من بغـى الفرقـا لقـى لـه عـذر واسباب ودلـيـل
خل عنك العـــذر والاسباب دام الحب ضاع
كـان ودك بالفـراق ابشـر عسـى عمـرك طويـــل
لاتـردد وانـت لـك كلمـه ولـك امـر مطـــــاع
لـي عليــك انّــك تبّـت بكلمـة تشفـي الغليــل
ولك عيّ اني لأوّقـف وقفـة الرجل الشجـاع
لاتجاملنـي مخافة قـال مــدري خـوف قيـــل
عمر هرج النـاس مايسمـن ولايغنـي جيـاع
كان قصدك سر حبك اوعدك لأصبح بخيـل
واحمل اسرارك معي للمـوت قـدر المســتطـاع
بس قلها قل ما احبك وابشر بصبر جميل
لاتحسب أني مثل مـن طبعهـم لـوي الــذراع
صاحبـك ماهـو كـذا ياصاحـب القـــــد النحـيـل
صاحبـك طبعـه غريـب وغربتـه غربـه طبـاع
في الهـوى مايقبـل الحـل الوســـــــــط ولا القليـل
مثل ماهو لاشـرى يشـري و ليــامـــن بـاع بـاع
ثابت لو هـي تميـل الارض حـدره مايميـل
يـدري ان الفقـر ماهـو عيـب والدنيـا مـتــــاع
ماعشـق لـذّة حياتـه كثـر عشـق المســــتحـيـل
ولا كـره حتـى مماتـه كثـر كـره الأنصيـــــاع
كم تعلّم مـن شديـد البـدو وش معنـى الرحيــــــل
وكم تعلّم من غروب الشمـس وش معنـى الـوداع
وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيــــــاع
ايه انا هذا طريقي موحش وصعب وطويل
وانت لامنـك تعبـت العالـم فجوجـه وســــــاع
اعتبرنـي فـي بدايـة سكّـتـك عـابــــــر سبـيـل
و رح وانا قلبي معك من ويـن وجّهـت الشـراع
يكفي اني لاانذكرت فـي سالفـة عشّـاق قيـــل
عاشر احبابه شجـاع وفـارق احبابـه شجاع
ليست هناك تعليقات:
إرسال تعليق