الضيق ماهو بالسعه والمساحه

الضيق مـا هـو بالسعـه ::و  المساحـه

الضيق ::لا ضاقت بك قلـوب و ارواح ..

.. والبعد عن ما تكـره النفـس ::راحـه

من لا توده :: فارقـه يـوم :: ترتـاح ..

.. وتبسمـك بوجيـه ربعـك  ::سماحـه

خلك بشوش :: تعيش بـأيامك ::افراح ..

.. وحظك يعـزك مـن يرفـرف  جناحـه

يجيب من ودك :: يجي لك ولـو::راح  ..

.. والكـبـر لله ::والتكـبـر بـجـاحـه

والوقت نصه "جد" :: والباقي "مـزاح " ..

.. والصوت حشمه :: وارتفاعـه وقاحـه

كذاب ::من قال انطح صياح ::بصيـاح ..

.. والحب::يبدل صحـراء الايـام  واحـه

اذا حضر :: يلغـي مسافـات وجـراح ..

.. و أما الزعل :: لا بـد تكبـح جماحـه

اصبر تشوف ان الفرج بارقـه :: لاح  ..

.. والحق:: يثبـت فـي كـلام الصراحـه

مثل السماء ما همها النجم لـو ::طـاح ..

. بعض العيون تشـوف فيهـا ::شفاحـه

ما كنها :: الا بس " نظرات الاشبـاح " ..

.. وعيون تاخـذ هاجسـك  لـانشراحـه

نظراتها تحنان :: والرمـش :: ذبـاح  ..

.. كم كحل ضم الشوق والدمع ::  ازاحـه

و ياما كحل :: يقعد له سنين :: ما ساح ..

.. ودنياك::لو ضاقـت بكـل ::المساحـه

تلقى السعه والحب ::بقلوب :: وارواح ..