تدري وش اللـي يـقتل الـحب بسكات
لاصرت فـي بـوحـك تـحـس بمذله
وتـدري وش اللي يكـسـر الظهـر حـزات
لامـن عـطـيت احـسـاس ماهـو محـله
وتدري مـتـى تـستـاهـل الـطـعـن مرات
لا من خطـيـت الدرب وانـتـه تدله
لا تـتـبـع المـقـفـي عـلى كل حالات
بعـض الـوجـيه اللي تـقـابـلـك عـله
ولا تـسـال الغـالي عـن الجـرح لا فـات
نبـش الحـكي يزود الطـيـن بـلـه
طالع فـمن حولك وتاخـذ شهـادات
مـانـلـتـها لـو تـدرس الـدهــر كلـه
ناسٍ تجر من اسود الضيق ونـات
ونـــاسٍ تـقــضــيها ونـاسه وفـلـه
هـذاك شـال هـمـوم غـيـره ولا بــات
وهـذاك مـايـدري عـن احسـاس خلـه
احـدن يهيــن اصـلـه عـلى كـل زلات
واحدن تـرومه شـيـمـتـه مـاتـزلـه
لا تقول حظي من عـنا الـوقـت قـد مـات
قـل مـات حـظ اللـي عـنـاه استـحلـه
ولا ضاقت الدنيـا وعلى الكيف ما جــات
اطـلـق احـجاجـك ثـــم تـوكـل عـلى الـله
ليست هناك تعليقات:
إرسال تعليق